滑嘟嘟指甲Subtle的美

想當年仲係中學時代，返學唔可以留長手指甲，更加唔可以搽指甲油，但係又想指甲靚啲，無意間俾我發現咗一set甲面挫，覺得好正，用完指甲"立立令"好似打咗臘咁，但後來想再買已經搵唔返喇。試過其他類似product都覺得效果唔好，最近終於俾我喺Citysuper搵到好嘢！哩款甲挫一包有兩支，每支有三個不同的面，只要順住次序挫滑指甲表面就OK：先用最粗1號粉紅色面，挫平指甲表面的凹凸坑紋；再用2號白色面磨滑甲面；最尾用後面3號灰色面拋光，指甲就會變得亮晶晶。

我啲指甲一向都有好深嘅直紋，唔理佢會覺得好粗糙同暗啞，經過以上方法處理之後即刻唔同哂，如果要搽薄貼的指甲油就更加明顯，會均勻好多。我諗哩個方法亦都好啱啲唔鍾意搽指甲油的朋友，自然得來又有少少出奇不意的美；或者薄薄地加上一層nude color glossy甲油，都係OL唔錯的選擇。不過奉勸各位，如果本身指甲好薄或者好易斷的話，小心唔好挫得太深，以免遭殃。

Rosy Rosa Nail Smoother
from CitySuper
$24

OK好用普通指甲挫

from Sasa
$8 (long long ago)

哩個唔好用嘅

已經送咗俾Mr. Mo挫模型

青筋有冇得醫？

特強喜療妥近排勁賣廣告話可以醫青筋，我已經做過實驗喇。有一次我撞瘀咗隻腳，買咗一支特強喜療妥去瘀，兩三日就好返哂喇，睇到說明書上面寫住可以用喺靜脈曲張，咁啱我小腿後面就有一條瘀黑的血管，雖然好細條又冇乜唔舒服，但見橫掂買咗支藥膏剩返都冇用，就攞嚟試下。搽咗幾個星期，用哂支藥膏，覺得條血管真係有淡到，不過未至於完全冇哂，仲見到少少。各位如果真係有靜脈問題，我諗特效強喜療妥都有啲幫助嘅，佢的確有藥性成份防止血液凝固，不過要有心理準備，唔係好似個廣告講到咁神奇搽吓就好，要好有耐性日日keep住搽，用返一兩個月先見效，同埋記住買大支裝。

實現今年大計第一步

今年年頭許下2010年大計，第一項係變靚D。無錯，發現自己越來越懶，又越來越"求其"，於是"的起心肝"做返從前的我。依家已經開始做gym，當然重新買扮靚"裝備"都係must啦，於是屋企又出現咗一大堆衫褲鞋襪、化妝品、護膚品，買完覺得唔係幾好又重新買過，越儲越多。為咗我D好朋友唔好重複我犯嘅錯，同埋快D買到好嘢，我決定將所有用過的products show哂喺哩個blog度，等各位睇過諗過先至行動。

忘記一提，以上各點同時適用於男朋友身上。