好耐好耐冇認真地化一個妝，櫃桶內的化妝品好多已經過期，需要清理清理，一次過執晒出嚟後又想試吓新造型，於是俾自己艷麗一下，化個從來未試過嘅新妝討好吓自己，順便俾大家一個眼前一亮嘅驚喜，向來喜歡清淡到有點素的我，換個濃妝感覺仍不錯，算係靚得起，起碼我都夠膽post出嚟見人，唔覺得自己個樣好假，唔知你哋接唔接受到呢？偶爾突破一下心情都唔同啲架，唔信試吓！不過自拍真係唔係影得好靚，影咗百幾張先揀到幾張好少少嘅，而且過程真係影唔到喇，睇我寫住先啦，多多包涵。
哩個妝本來係參考一個Elegant look嚟化嘅，化完效果有啲出入，我估最主要係我隻眼本身好圓，要畫長佢有啲難度，畫畫吓越嚟越重手變咗有啲trendy fashion感覺，但無所謂啦，又唔係去ball，我都幾鍾意哩個look。
成個妝重點唔駛講都知係對眼，就由哩度開始介紹。
1. 先用金色eye shadow搽勻成個眼蓋及眼頭。
2. 用銀白色eye shadow在眉底眉骨位打highlight。
3. 用metallic淺啡色eye shadow在眼窩打shadow。
4. 再用metallic深啡色eye shadow在雙眼皮位打shadow，輕輕blend開。
5. 用黑色liquid eye liner沿睫毛根部，由眼頭位置開始畫solid上下眼線。
6. 到眼尾部份時，將下眼線向上延長並畫尖，再將上眼線尾部加粗，填滿整個三角型位。
7. 睫毛夾彎並塗上mascara。
8. 黐上假睫毛，相入面唔係好show到出嚟，我用咗對幾誇嘅毛毛，前短後長嗰隻，好襯條眼線。眼妝大功告成。
9. 鼻樑及腮位打了一點陰影，加深輪廓。
10. 用咗珊瑚色胭脂，打在面頰由腮位向後掃。
11. 塗上鮮紅色metallic唇膏。
搞完一大輪結論係幫人化妝係容易過自己化嘅。
近幾個月忙到連搽指甲的時間都冇，終於今日可以坐定定幫指甲換上秋裝。打開櫃桶搵番幾支好耐冇用過的指甲油出嚟，好彩仲安然無恙可以用得，再睇吓雜誌搵啲靈感，最後畫出這組好隨意的花式。首先全部指甲搽上兩層肉色甲油打底，再用深色甲油塗上喜歡的形狀，波點是用牙簽平的一邊沾上甲油再點上甲面，等乾了後再用牙簽沾上閃粉甲油畫邊，最後搽面油保護同製造gel甲效果，MISSHA哩支top coat搽完真係好似gel，又厚又"令"，以真亂假又一推介。
